«Тӳпе путнă кĕçĕр Çавала...»


Тӳпе путнă кĕçĕр Çавала.

Унта шыв ăсатчĕ Алтăр çăлтăр.

Эп тытасшăн тăсрăм та алла,

Хум ăшне пытанчĕ çутă алтăр.

 

Çыранра çӳрерĕм çĕрĕпе

Чун юратнă канăçсăр хĕрпе.

Вăл хистет:

Çут алтăр илсе пар,

Улăха каçкӳлĕм шыв сапар.

Эп илесшĕн тăсрăм та алла,

Кĕмĕл алтăр путрĕ Çавала.

 

Тусăм тин каларĕ: ан шыра...

Вăл мана чуптунă хушăра

Алтăр çăлтăр, Çавалтан тухса

Тӳпене хăпарнă шыв ăсса.

 

Сывлăм ӳкрĕ.

Шуçăм улăхать.

«Кам шыв çапрĕ, — тет хĕр, — улăха?»

 

Тусăм, эсĕ курăн ак ăна,

Куçупа тинкер эс тӳпене:

Алтăр çăлтăр ĕнтĕ упĕнет,

Ӳпĕнет те шывĕ тăкăнать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: