Волокита
Иртнĕ каçра
Ăш ыйхăра
Тĕлĕк тĕллентĕм.
Хам арăма
Суйса пама
Çапах иментĕм.
Çавах сире
Паян пĕрре
Суйса парам-ха.
Мĕн курнипе
Тĕпĕ-йĕрĕпе
Паллаштарам-ха.
Пĕлĕт çине
Çĕр çинченех
Шур хут куçать пек.
Çав япалах
Унтан, паллах,
Вĕçет, çăвать пек.
Ухăсемпе
Ку хутсене
Çынсем переççĕ.
Кун каçипе
Хăть пĕрине
Укереймеççĕ.
Шур хучĕсем
Юр пек вĕçсе
Çаплах çăваççĕ.
Хуласене
Е ялсене
Курăнми тăваççĕ.
Циркулярсем
Çапла вĕçсе
Халтан яраççĕ.
Волокитăна
Çĕн саманан
Çăварлăхласчĕ!
Çĕнĕ комментари хуш
Шухăшсем
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...