Аннене
Эсĕ хирĕç ан тух эп киле таврăнсан,
Уçса хур алăка, тухса кай пахчана.
Кулленхи ал ĕçне сак çине хăварсам —
Тахçанах ман валли çыхакан чăлхана.
Çĕрулми калакне таянтар кĕтессе,
Кăранташ татăкне хур эс кантăк çине,
Эп ăнланăп хамах кĕсьери конвертсем
Ма тĕл-тĕл сарăхса, хуралса пĕтнине.
Сăмахпа эс каллех ӳпкелеймĕн мана:
Упкевӳ манăçать эп килте пулнă чух.
Ăсатса янă чух—ятламаççĕ çынна...
Эп киле таврăнсан эсĕ хирĕç ан тух.
Вулавçăсен шухăшĕ
Çĕнĕ комментари хуш
влад маскай (2018-04-11 00:05:02):
...тӳрех ăнланса пулмарĕ - ха ку Пиччен хăй амăшĕ çинчен çырнă сăввине... Тăвара ун чухлех çименнипе пуль тесе шухăшларăм. "Эп киле таврăнсан эсĕ хирĕç ан тух",- тени куçа чартармаллах чартарчĕ вара. Ара, кун пек тӳрккес каланине çын хăй амăшне пурнăçра та, сăвăра та хальччен те илтменччĕ - эп...