«Ман тусăн тусĕсем те — тусăмсем...»

Виталий Станьял | Сăвă | 1979 | Юрий Айдаш | Порфирий Афанасьев | 504


Юрий Айдашпа Порфирий Афанасьева

 

Ман тусăн тусĕсем те — тусăмсем,

Вĕсем мана та пер йышра шутлаççĕ,

Самах парсассăн — сăмаха тытаççĕ,

Манпа-санпа пĕр шухăшлах вĕсем.

 

Тус урлă çĕнĕ тантăш тĕл килсен,

Çĕнĕ çынпа та пĕр чĕлхе тупсассăн,

Вăл сан пекех маттур этем пулсассăн

Мĕн-ма пĕрлешмĕпĕр эпир, туссем?

 

Сахал-и пурнăçра çывăх çынсем!

Вĕсем çулсеренех нумайланаççĕ,

Сана та манăн тусăмсем шанаççĕ,

Вĕсем те саншăн шанчăклă туссем!

 

1979, авăн, 18.

Куславкка, Тĕмшер.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем