«Ачисем лапка тулли...»

Виталий Станьял | Такмак | 2003 | 675


«Тăван» ансамбль ертӳçине

Николай Никонорова

Ачисем лапка тулли,

Ĕçмелли сĕтел тулли!

Ăшши-пăшши панă чухне

Пирĕн кăмăл та тулли!

 

Çат-çат Микула,

Хуткупăсçă Микула!

Пултаратăн юрлатма,

Пултаратăн вылятма,

Вылятатăн милĕке,

Авкалатăн пилĕке!

 

Чăхха кирлĕ сар тулли,

Пире кирлĕ хĕр кулли,

Акăш-макăш Чĕппе мунчи —

Пултăмăр вĕт йыт пулли!

 

Çат-çат Микула,

Хуткупăсçă Микула!

Пултаратăн юрлатма,

Пултаратăн вылятма,

Çатти çап-ха вирлĕрех,

Асра юлтăр ĕмĕре!

 

Эх! Тавах Чĕппе хуçа!

Сĕрĕм тивмĕ-ши пуçа?

Тивсен тивтĕр! Хăямат!

Çĕпĕр илттĕр — хытă çап!

 

2003, юпа, 17.

Тĕмен хулинчи Чĕппи чăваш мунчинче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: