Эп сана тем пекех ыр сунатăп...

Лидия Сарине | Сăвă | 494


Эп сана тем пекех ыр сунатăп.

Вăхăт иртрĕ, эс ман асăмра.

Савăк мар пурнăçу, эп туятăп.

Хăш чухне, тен, ырри сахалрах.

 

Эсĕ пур. Эп те пур. Тĕлĕнетĕп.

Эс манран аякра çав-çавах.

Çĕр çинчех эс. Çакна эп пĕлетĕп.

Эп — кăвак тӳпере час-часах.

 

Сив сăмах пăр пекех. Ас илсессĕн

Тĕнчере сан пек çын пуррине,

Кăн-кăвак пĕлĕтрен кĕç ӳкессĕн

Туйăнать. Ах, шанап ырринех.

 

Чĕререн нихăçан та тухмаççĕ

Эс каланă хитре сăмахсем.

Çӳçĕмрен, куçăмран ачашлаççĕ

Таçтан çитнĕ вĕри саламсем...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем