Халăх хаярлăхĕ
Тăхлан пуçлă та йытă сăн-питлĕ
Тăшман ывтăнчĕ пирĕн çине.
Чĕрĕ юн шăршипе урнă Гитлер
Чĕрĕллех пире хатĕр çиме.
Анчах ирсĕрĕн сарă асавĕ
Пырса тăрăнчĕ хурçă çине.
Çынçиен, нумаях эс асаймăн,
Эс çăтаймăн Хĕвел Тĕнчине!
Сан кĕçех шăпу тулĕ яланлăх, —
Ме, эс бомба çăт, пилсĕр шакал!
Санăн çăткăн пырна тăрантмалăх
Пирĕн çитĕ шăраннă металл.
Хĕвеле тĕтĕмпе хупăрлаймăн,
Çук, чараймăн çĕре çаврăнма.
Пĕтĕм чăнлăх тăрать пирĕн майлă,
Çут хĕвел çаврăнать пире май.
Хĕвеле пӳрнепе те ан тĕллĕр
Тенĕ ĕлĕк-авал ваттисем.
Хĕвеле хирĕç талпăнчĕ Гитлер,
Пĕтес умĕн урса, йӳтесе.
Хĕвеле хирĕç сикнĕ шакалшăн
Пĕр шăпа пулĕ — вилĕм кăна!
Тăшман пуçĕ çине тоннăшарăн
Хурçă-тимĕр, тăхлан вăркăнатъ.
Пĕт, çухал, йытă-рыцарь мур-йышĕ,
Çĕр питне урăх ан варала!
Эпир хамăрăн Аслă çĕршывшăн
Карах тăтăмăр халăхпала.
Кун пек чух пирĕн халăх хаяр вăл, —
Хуçма çук ун вăйне-хăватне!
Тăшмана хальхинче те вăл ярĕ
Хăех алтнă çăва шăтăкне.
Июнĕн 22-мĕшĕ, 1941 çул
Шухăшсем
Кун пек вăйлă произведени чăваш литерату...
Çеçпĕл ман юрату! Ăна пĕлмен Çынсенчен э...
Эпĕ Çеçпĕле мĕн тери юратнине никам та с...
Тринкки-тринкки сикекен Шăрчăк тусăн, юр...
Мана çав тери Крыловăн юптарăвĕсем килĕш...
Мана çав тери Крыловăн юптарăвĕсем килĕш...
Шăнăçман...
Здесь вы можете заказать копию любого са...
Напишите пожалуйста перевод слова Шанащм...
Здесь вы можете заказать копию любого са...