«Итле-ха, тăванăм, эс те вĕт чăваш...»
Итле-ха, тăванăм, эс те вĕт чăваш,
Маттур ĕçӳпе эс кĕрнеклĕ те яш.
Мĕн-ма хăраса вăтанатăн йăваш?
Кăклаç тымарна — эс сывлатăн çеç хаш!
Тархасшăн, тăнла-ха, пĕлсемччĕ веçех,
Чăвашлăх тени хăçантан, еплерех?
Ан кас чĕлхӳне, вăл — этеплĕх вулли,
Ачу чăвашла калаçсанччĕ тулли.
Вăрттăн та шăппăн, вăтанчăклăн мар,
«Пĕлĕç те — кулĕç» тесе ан пытар.
Вырăсĕ илттĕр, илттĕр тутар —
Ăслă вăйпа, шухăшпа юнашар,
Çирĕп ăспа чăвашла калаçар.
Чĕлхе илемне варлама та ан пар,
Тăван сăмаха упрани ма начар?
Ăс-тăн хуçалантăр, çын пек шухăшлар,
Этеплĕх шайне çĕкленмешкĕн пултар.
Чăвашлăх мулне пĕрчĕрен те пуçтар,
Чăвашлăх йĕрне малашне те упрар.
Малашлăх çулпа янăравлăн утар, —
Тăнла-ха, ăнкар-ха, пулсассăн эс АР.
Шухăшсем
Круглозвенные цепи — это не просто элем...
Attract additional leads for your chuvas...
Need more clicks and conversions for Chu...
Повысьте эффективность своего производс...
Круглозвенные цепи — это не просто элем...
Is your Chuvash website missing out on l...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...