Электронлă вулавăш

Шутламасăр качча тухрăм

Шампа хырăма.

Хам валли хĕн-терт эп тупрăм —

Йывăр чунăма.

 

Пĕçерсе ĕлкĕрейместĕп, —

Сысна пек чапкать.

Тĕлĕнсе пĕтерейместĕп, —

Вăт этем пулать.

 

Эп упаленсе ĕçлетĕп,

Вăл туртса ларать.

Çĕр чаватăп, кĕреплетĕп —

Вăл харлаттарать.

 

Кӳршĕ, ĕçчен Сантăр, питĕ

Хĕрхенет мана:

— Мăшкăла тӳссе, тен, çитĕ,

Тăн кĕртер ăна.

 

Пăшăл пăтти пĕçерер пуль

Упăшку тăрсан,..

Эп сана чĕнсессĕн йăл кул —

Кĕвĕçтĕр чунтан...»

 

Кӳршĕпе халь калаçатăп

Юри йăл кулса.

Ваçука пĕрмай сăнатăп:

Тăрать анраса...

 

Ак хайхи тем мăкăртатрĕ

Канăçсăрланса:

«Арăм, — терĕ, ытакларĕ, —

Ан кай пăрахса...

 

Сантăра çапса хуçатăп

Кĕвĕçнипеле!

Мĕн хушан — йăлтах тăватăп,

Ĕçлĕпĕр пĕрле.

 

Малашне нумай çиместĕп —

Хырăм çурăлать.

Çывăрса кӳрентерместĕп —

Пуçăм ыратать...

 

Каçарсамччĕ, манра çылăх

Темĕн чухлĕ пек...

Вĕçсе кайрĕ ĕнтĕ ыйăх,

Илĕртмĕ текех...»

 

«Ах, Ваçук, юратнă мăшăр,

Ан кулян çаплах...

Юнашар ытла та ăшă

Пĕр санпа анчах...»

 

Çавăнтах ĕçле пуçларĕ

Ваçук тăрăшса.

Чупса пычĕ, ытамларĕ:

«Лар, — терĕ, — канса...»

 

«Мана пулăшнăшăн, — тетĕп,

Сантăра тавах!»

Мăшăра халь хисеплетĕп,

Улшăнчĕ йăлтах.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн