«Анат Кама, Анат Кама...»
Анат Кама, Анат Кама,
Анат Кама хулинче,
Эп çӳретĕп, эп çӳретĕп
Вутпа çулăм айĕнче.
Чун хыппи — джигит тутарăм,
Ăш хыппи - чăваш каччи...
Чĕрене вутпа хыптартăм
Çулăмра айван ăшчик.
Манăн юрату ăнмарĕ
Савнисен пушарĕнче,
Ни сӳнмерĕ, ни путмарĕ
Чулман Атăл шывĕнче...
Анат Кама, Анат Кама
Анат Кама хĕррипе
Эп çӳретĕп, эп çӳретĕп,
Эп çӳретĕп çĕрĕпе.
Ку енче шевле вылярĕ,
Тĕтĕм вĕçрĕ леш енче.
Те чăвашĕ, те тутарĕ
Вутланать чĕре çинче.
Манăн юрату ăнмарĕ
Савнисен пушарĕнче,
Ни сӳнмерĕ, ни путмарĕ
Чулман Атăл хумĕнче.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...