«Лупасай пӳлминче шуçтупань пулнă ман...»

Алексей Аттил | Сăвă | 486


Лупасай пӳлминче шуçтупань пулнă ман.

Пĕр кӳлсе пĕр тухсан сулнăк-сулнăк пулман.

 

Шуçтупань пуçĕнче аçтаха кӳлепи:

çăлтăра хăвалать — юлăп-и, çитĕп-и?

 

Çăлтăра çитессе шутлама — шутламан,

пулнă савăнăç шеп — юмаха утланма.

 

Иртен кун тĕшшине кашни çамрăк уçать,

çăлтăра тав туса, эп çĕклеттĕм пуçа.

 

Çăлтăра тав туса, эп çĕклеттĕм пуçа —

«Тав сана, манăн çăлтăрăм», —

теттĕм пуль çав.

 

Иртрĕç çав вăхăтсем, çук асамлă çуна.

Çăлтăр çеç çутăрах. Вăл пуриншĕн çунать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: