«Лĕпешпи тесе чĕнетчĕ...»
Лĕпешпи тесе чĕнетчĕ
Ача чух мана анне,
Çупарлатчĕ те çĕклетчĕ
Çӳлелле, мачча патне.
Эп вара ахăлтататтăм
Чи телейлĕ кулăпа,
Лĕпĕш евĕр сулкалаттăм
Мăшăр пĕчĕк аллăмпа.
Малалла вĕçме васкатап
Çутă ĕмĕтĕм патне,
Яланах туйса тăратăп
Эп анне юратăвне.
Вулавçăсен шухăшĕ
Çĕнĕ комментари хуш
Дорофеева-Миро Татьяна (2014-01-24 09:54:25):
Ачалăх, анне... Мĕн пулма пултарать айăхраххи?