«Тусăмсем, куçран калăр та татăр...»

Виталий Станьял | Сăвă | 1972 | 652


Тусăмсем, куçран калăр та татăр,

Сирсе ярăр ăшри йывăра.

Ан хĕрхенĕр мана, ан ынатлăр,

Манăн шанчăк — сирте те хамра.

 

Пирĕн ĕмĕт çĕмрен пек пулсанччĕ,

Вăй тупсанччĕ мала çул хывма —

Йĕксĕксем хура чунлăн ăмсанччăр,

Кĕвĕçсе вăрăнтарччăр сăмах.

 

Павраса çӳрĕçин çăтал-çатăл,

Тиркĕçин! Тăрăхлатпăр кăна.

Вĕсен мар хĕвелпе аслă Атăл,

Çĕр çинче эпир пурте пĕр тан.

 

Хирĕнсех тапаçланччăр хăяккăн,

Мĕн усси, пайтисем пулмасан?

Вăйпа мар, ăс-тăнпа çын хăватлă

Мулпа мар, кăмăлпа çын пуян.

 

Шухăш-туйăм хăлат пек çунатлă

Кĕрешӳ ăша сапрĕ кăвар.

гпхенĕр мана, ан ынатлăр

Ан хĕрхенĕр мана, ан ынатлăр —

Сурана çыхса ярăр вăр-вар.

1972

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем