«Кармал паттăр хĕçĕ евĕр çиçрĕ çиçĕм...»1

«Кармал паттăр хĕçĕ евĕр çиçрĕ çиçĕм...»

Кармал паттăр хĕçĕ евĕр çиçрĕ çиçĕм

Витререн тăкать çĕре тӳпе маччи, —

Çумăр çунине мĕнле виçепе виçĕн,

Çаруран чупса çӳрет ачи-пăчи.

Çуллахи ăш çумăр пит сипетлĕ теççĕ,

Манăн та ташлас килет ун айĕнче.

Те чăнах та ачасем мана кĕтеççĕ

Хăйсемпе пĕрле чупмашкăн çумăр айĕнче.

Вĕсене курса-ши таврăнчĕ ачалăх,

Эп чупса тухатăп ăш çумăр айне.

Ал çупать кулса таврари пĕтĕм халăх,

Маннă, тет, писатель хăйĕн ватлăхне.

16.07.2007