«Халь утатăп эп пĕччен...»


Халь утатăп эп пĕччен,

Эсĕ çук манпа.

Çил ачи сапать питрен

Сивĕ шур юрпа.

 

Чĕпĕтесшĕн хăлхаран,

Çанăран туртать,

Е тĕртет те çурăмран,

Хыттăн шăхăрать.

 

Сан пекех хавас иккен,

Шухă вăл паян.

Тен, вăл çитнĕ инçетрен,

Çитнĕ сан патран.

 

Тем каласшăн тăрăшать

Сан çинчен мана,

Ăнланманшăн тарăхать —

Сирпĕтет юрпа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: