Телей тырри

Сăвар Эртиван | Сăвă | телей | 537


Çĕр евĕр ӳстеретĕп те илетĕп,

телейĕме пучахăн эп пухам.

Тахçан, чăнах-ши, эпĕ те вилетĕп?

Кăшт шутласа пуç тавралла пăхам.

 

Хуратăн вăй, çĕннишĕн кĕрешетĕн,

тепри юри такăнтарать сана,

тепри илесшĕн канăçсăр чуна.

Вилме тăшман та, эсĕ те вилетĕн.

Ялан пĕр вĕç.

Анчах та, мур илесшĕ,

этем пулать çĕр пек, пулать тусан.

Пĕри çĕн çăкăр çитерет пулсан,

тепри, чыхăнтарса, чунна илесшĕн.

 

Пуç тавралла шутларăм, халь пĕлетĕп,

телейĕме

пучахăн эп пухам.

Вилсен

калча пулса тусан пӳлетĕп,

кайран, çĕн çăкăрăн,

пиçсе тухам.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем