«Куратни, епле тикĕс...»


«Куратни, епле тикĕс,

Сăна-ха, тинкерсем...

Кунта пулать ак тинĕс,

Пĕр пилĕк çул иртсен.

 

Вара леш ен çыранĕ

Таçта, лере, инçе

Кĕрсе кайса пытанĕ

Мари вăрманĕнче.

 

Ун чух вара çак Атăл

Тем çӳллĕш хумĕпе,

Хумханĕ ак, куратăн,

Шăпах мăн тинĕс пек».

 

Çапла калать пĕр ватă

Хăй çывăх тантăшне.

Калатăр. Эп шанатăп

Совет çыннисене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: