Карти-карти кайăк хурсем...

Сăвар Эртиван | Сăвă | 684


Карти-карти кайăк хурсем

çут кӳлĕре ишеççĕ те

тĕкĕсене чӳхеççĕ,

кăнтăралла вĕçеççĕ те

кикаклатса иртеççĕ.

 

Çитĕнекен çамрăкĕсем

çунат сарса çитеççĕ те

инçе çула тухаççĕ,

уничерен иртеççĕ те

куççулĕсем юхаççĕ.

 

Çут кӳлĕри хăмăшĕсем

пĕлĕтелле пăхаççĕ те

килмеççĕ-ши, тееççĕ,

кайăк хурсем хĕл хыççăн тин

таврăнасса пĕлмеççĕ.

 

Килĕсенчи амăшĕсем

уничерен тухаççĕ те

килмеççĕ-ши, тееççĕ.

Ачисене пухасчĕ те

пит йывăр-çке, пĕлмеççĕ.

 

Кайăк хурсем миçемĕш хут

кикаклатса иртеççĕ те

çунатсемпе сулаççĕ.

Амăшĕсем куççуль витĕр

салам илсе юлаççĕ.

 

Кикик-кикик хур кайăксем

кăнтăр енчен вĕçеççĕ те

çунат сулса иртеççĕ,

вăтăрмĕш çул килеççĕ те

сывах эпир тееççĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем