Утатпăр киле

Аркадий Русаков | Сăвă | 424


Пыратпăр çуран,

Утатпăр аран

Юр хунă çулпа.

Вĕрет çил вăйпа,

Хĕвет хулăн кĕрт.

Хул çумĕнче — хул,

Умри çынна тĕрт,

Анчах, ан ӳк ху!

 

Сапать юр куçран.

Пĕр шухăш пуçра:

«Пăхас шав ума,

Çĕтсе каяс мар!»

Тăман: «У-у! та У-у!»

Эпир: «Эх! те Эх!»

Ан пăрăн, асту,

Çулран эс текех!

 

Васкатпăр пурте,

Вăй чакнă пирте.

Анчах малалла —

Çуралнă яла

Утатпăр çуран

Тăман витĕрех.

Туртать-çке ялан

Тăван çĕр пире.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем