Тăван çĕршывăм, телейпе пурăн1

Тăван çĕршывăм, телейпе пурăн

Вĕçет, вĕçет, вĕçет-çке юрă,

Çунат хушса, çӳл тӳпере.

«Тăван çĕршывăм, телейлĕ пурăн,

Телейлĕ пурăн», — юрлать чĕре.

Савсам мана, эп савнă евĕр,

Сана сунап çут ăраскал.

Таса пулинччĕ ялан тӳпемĕр,

Ĕçсем пулинччĕç ялан кал-кал.

Пĕр-пĕринпе тату пуласчĕ,

Амаçури ан пулччĕ эс.

Хăв халăхна сан сума сăвасчĕ, —

Тата сана ман мĕскер сĕнес?

Вĕçет, вĕçет, вĕçет-çке юрă,

Юрлать ман чун, юрлать чĕре:

«Тăван çĕршывăм, телейлĕ пурăн,

Хĕвел çутаттăр тăван çĕре!»