«Çуркуннен епле ташши!..»

Юрий Сан | Сăвă | çуркунне | 290


Çуркуннен епле ташши!

Ĕрĕхет-çке, тамаша —

Манашкал! Тен, ытлашши

Шухăран-ши айкашать?

 

Тен, пĕлмест-ши шăпине:

Саралать сип-симĕс тĕс...

Эх, перет-çке хăйĕннех —

Ачашпа выляннăн эс...

 

Паян эп те — çуркунне!

Асра ним те, калăн, çук;

Пуçа кайрĕ манăнне

Сан туту, куллу, куçу!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: