«Каçар мана, хăмла пек симĕс куç...»


Каçар мана, хăмла пек симĕс куç.

Каçар! Сана куççуль кӳрес теменччĕ.

Хам юратма пĕлеймессе кĕтменччĕ.

Каçар мана, хăмла пек симĕс куç.

 

Каçар мана, хăмла пек симĕс куç

Ху килĕшсен, ытах, пиччу сан пулăп,

Е асăнти таçти ют çын пек юлăп.

Каçар мана, хăмла пек симĕс куç.

 

Чечек пекехчĕ эсĕ маншăн.

Çут тĕнчере санран хитри,

Санран çепĕçреххи пулманшăн,

Хавасчĕ эпĕ мĕн тери!

 

Черем сана кăна уятчĕ.

Эс килĕштертĕн теприне.

Кĕр çитрĕ те шантарчĕ-ячĕ,

Ытарайми чечексене...

 

Кĕрлерĕ туй. Ислетрĕ çумăр...

Пусартăм эпĕ чунăма.

Эс халь инке... Çапла пуль çулăр,

Темерĕм эп ют арăма.

 

Чĕнмерĕм нимĕн. Шеллемерĕм.

Çӳпçийĕ майĕн — хупăлчи,

Чечек çине — пиçен темерĕм...

Çапла пуль юрату тĕнчи.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: