Пĕчченлĕхпе туслашрăм халь

«Сана кӳрентерес теменччĕ», —

Тесе пуплерĕн эс ун чух.

Ултавлăхра çунатăм ĕнчĕ,

Йăлтах-йăлтах кĕлленчĕ чун.

Халь çĕнĕрен эс йăлт пуçласшăн.

Улăштарайман нимĕн те...

Ан тинкерсем текех ачашшăн —

Юратăва чĕртеймĕн тек.

Сана тепре эп тĕл пулас тăк

Кулса илейĕп, тен, ахаль.

Пачах кĕтсе асапланмастăп,

Пĕчченлĕхпе туслашрăм халь...

Çĕнĕ комментари хуш