Манми юрату
Ыраш кĕлти пекех çăраччĕ,
Халь кăвакарнă сан çӳçӳ.
Манăн та тăнлав шуралчĕ,
Çаплах чунра пур кĕвĕçӳ.
Ялан урăххипе çӳреттĕн,
Ман туйăмран кула-кула.
Куççулĕпех ир-каç йĕреттĕм
Телейсĕр юратăва пула.
Сана йĕрлерĕ тилĕ евĕр
Хула каччи, пĕр инженер,
Ресторантах туйне ирттертĕр,
Халь тин вара мĕскер пуплер...
Çапах та, маншăн та çуралчĕ
Пĕр янкăр çутă тӳпере.
Ачам-пăчам çуллен йышланчĕ,
Эпир телейлĕ çемьере.
Сан пурнăçу пачах ăнмарĕ,
Качча та тухрăн ик хутчен.
Пĕри, хитри, лавкка çаратрĕ,
Тепри пухать пуш кĕленчĕ.
Мĕн-ма туя тытса иртетĕн
Пӳрт умĕнчен эс кунсерен?
Туятăп, чăс-часах йĕрĕтен
Мана аса илмессерен.
Шухăшсем
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...
Get more leads for your chuvash...
Eager to widen your website impac...
Ever thought how chuvash...
Striving to raise your website tr...
Get more leads for your chuvash...