Атăл хумĕсем
Хаваслă хумсем пĕр-пĕрне хăвалаççĕ,
Анчах пĕр–пĕрне вĕсем тытаймаççĕ.
Çырана перĕнсен пĕрлешсе çухалаççĕ,
Пурпĕрех хумсем выляма чарăнмаççĕ.
Çыран еннелле —
Аслă Атăл ярать хумсене,
Хăш-пĕр чух вăл шăпланать.
Çывăрса кайнă пек туйăнать.
Куç умĕнче шыв вăранать,
Пăшăлтатса чăвашла калаçма тытăнать.
Ун шавĕнче — чăваш юрри,
Çармăс çемми, тутар кĕвви…
Ун кĕрлевĕнче лаштра юманăн сасси…
Вулавçăсен шухăшĕ
Çĕнĕ комментари хуш
Зина (2011-04-08 21:42:06):
Атăл хумĕсене чăннипех те курма пулать сан сăввунта, маттур.