Эх, илемлĕ таврара

Наталья Ефимова | Сăвă | 2011 | ачасен пултарулăхĕ | Ачалăх урамĕ | 490


Шăтса тухрĕç тулă калчисем,

Сарăлаççĕ йывăç çулçисем.

Палласа илеймĕн палана —

Чечекре вăл ĕнтĕ тахçанах.

Эх, илемлĕ пирĕн çуркунне

Çут çанталăк ырă ун чухне.

Çурхи тулă сарă шăркара,

Савăн, савăн, сарлака уй-хир,

Кĕç çитетпĕр сан пата эпир.

Эх, илемлĕ çĕршывра çулла,

Пур çĕрте те уçă кăмăла.

Ак, сентябрь турĕ çĕн йыхрав:

Шăнкăр-шăнкăр сас парать шăнкрав.

Ачасем васкаççĕ халь шкула, —

Иртсе кайрĕ тепĕр хут çулла.

Эх, илемлĕ пирĕн кĕркунне,

Пухса кĕртнĕ хыççăн тыр-пулне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: