Мăрăлкка
Манăн тусăм Мăрăлкка
Кӳлепи ун чăмăркка.
Хури вăрăм, пăлтăркка
Çăмĕ сăрă, кăпăшка.
Çывăх тусăм, Мăрăлкка
Ах, ытла-çке йăпăлкка.
Юратмасть шăши тытма
Вăрттăн сĕтĕрет хăйма.
Юратать çак Мăрăлкка
Хĕвел çинче çывăрма.
Сар чĕпсемпе выляма,
Хушăран пулла кайма.
Ах, Мăрăлкка, Мăрăлкка,
Юрататăп-çке сана.
Эсĕ питĕ мăнтаркка
Ытарма çук кăмална.
Вулавçăсен шухăшĕ
Çĕнĕ комментари хуш
Вера. (2011-03-31 16:38:39):
Ку сăвву та кăмăла кайрĕ. Питĕ вăйлă.
Алина (2011-03-31 16:56:34):
Маттур. Çамраклах вăйлă çыратăн