Хĕвел шевли
Çутă, сенкер тӳпере
Хĕвел вылять шевлипе
Пĕр шевли ӳкет шыва
Тĕкĕр евĕр çуталса.
Тепри кĕрет вăрмана
Вăратма уçланкăна.
Пуçлать кайăк юрлама
Çĕнĕ куна мухтама.
Хĕвел анчĕ улăха
Вăл пуçтарчĕ сывлăма.
Пĕчĕк чĕр чун васкаса
Апат шырать таврара.
Кантăк витĕр сăрхăнса
Кĕчĕ хĕвел пĕр çурта.
Тутлă тĕлĕксем курса
Хуп турттарать пĕр ача.
Шевлипе сава-сава
Ак вăратрĕ ачаша.
Васка эсĕ урама
Çĕнĕ куншăн савăнма.
Вулавçăсен шухăшĕ
Çĕнĕ комментари хуш
Галина (2011-03-30 18:54:28):
Питĕ илемлĕ, чуна савăнтаракан йĕркесем. Настя, эсĕ пултаруллă хĕр ача.
Вера (2011-03-31 16:36:07):
Маттур! Сан сăввусем питĕ лайăх. пулас поэт.
Алина (2011-03-31 16:58:01):
Ку сăввă пурне те килĕшессе эпĕ шанатăп. Пуласлăху пысăк
Мария (2011-04-07 21:35:50):
Сăвă мана питĕ килĕшрĕ.
Çуллахи каникулсене аса илтерет.