Хура тинĕс
Хура тинĕс, хура тинĕс,
Те хура, те симĕс,
Хушăран кăвак та, тен, эс,
Хумсăр та тип-тикĕс.
Чайка хыççăн чайка евĕр,
Кимĕ ярăнать-и —
Пĕччен парăс ку ан тейĕр,
Çын пĕччен пулать-и!
Çутă пĕлĕт, çул çухатнăн,
Ту хыçне пытаннă.
Тен, тăван килне вăл маннă,
Çакăнтах çуралнăн.
Эпĕ çеç хăш чух шутлатăп —
Шухăш пек пуласчĕ.
Тинĕс мар, халь анлă Атăл
Ман ума тухасчĕ.
Çӳллĕ ту çине тăрсассăн,
Таврана пăхсассăн,
Тăван ялăма курасчĕ,
Ытама илесчĕ.
Тинĕс теççĕ, хура теççĕ,
Те чăнах çапла вăл.
Шухăш пек хумсем выляççĕ —
Çĕкленет çил-тăвăл...
Хура тинĕс, Хура тинĕс,
Те хура, те симĕс,
Хушăран кăвак та, тен, эс,
Хумсăр та тип-тикĕс.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...