Аннем, илсем ытамна

Алина Тайпи | Сăвă | 669


Пĕчĕк çеç, улттăри ывăлна,

Ас илетĕн-ши эсĕ, анне?

Епле хытартăн-ши кăмăлна,

Парăнса ют арçын туйăмне.

 

Юхать куççулли ман, юхать,

Туймастăн-им, аннем, çавна?

Чĕрӳ-ши мĕнле ыратмасть?

Килсемччĕ, илсем ытамна!

 

Ют çемьере эс пурăнатăн.

Тупрăн-и, аннеçĕм, телейне?

Пĕртен-пĕр тĕпренчĕкне мантăн,

Юрать-ха пур ман ват асанне.

 

Юхать куççулли ман, юхать,

Туймастăн-им, аннем, çавна?

Чĕрӳ-ши мĕнле ыратмасть?

Килсемччĕ, илсем ытамна!

 

Аттем пĕр хыпарсăр çухалнă —

Пуçне хунă хаяр вăрçăра.

Анне — амăш тивĕçне маннă:

Чĕринче питĕрĕнчĕк çăра.

 

Юхать куççулли ман, юхать,

Туймастăн-им, аннем, çавна?

Чĕрӳ-ши мĕнле ыратмасть?

Килсемччĕ, илсем ытамна!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: