Пурнас ялтах

Любовь Мартьянова | Сăвă | ял | 555


Килен-каян та пур ялтах,

Тăван-пĕтенĕ çак ялтах.

Масарĕ те çумрах, ялтах.

Шутлам та тĕплĕнрех йăлтах —

Пурнас ялтах.

 

Шурă пӳртре шур кăмака,

Кушак çури пур пĕр «çăмха».

Уçса-хупмашкăн —

пур хапха,

Выртса-тăмашкăн пур лапка,

Ĕçме-çиме илме — лавкка.

Шутлам та тĕплĕнрех йăлтах —

Пурнас ялтах.

 

Ăçта халь тин васкамалла,

Тур пӳрнине кунтах пуль курмалла.

Таçта пит кĕтекенĕ пур-и?

Ытла хыт чĕнекенĕ пур-и?

Чун ыратсан — çурта çутсан,

Ваттисене чăн асăнсан,

Турри кăшт сывлăхне парсан...

Шутлам та тĕплĕнрех йăлтах —

Пурнас ялтах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем