«Çынсем, юратăр пĕр-пĕрне...»
Çынсем, юратăр пĕр-пĕрне,
Йăл куллăра ан пытарсамăр.
Йĕпрен ан тăвăр пĕрене,
Сăмахпала пĕлсе калаçăр.
Çынсем, юратăр пĕр-пĕрне!
Çынсем, хисеплĕр пĕр-пĕрне,
Ыркăмăллăх ан шеллесемĕр.
Чунпа туйсан çын нушине —
Телейлĕ иртĕ пирĕн ĕмĕр.
Çынсем, хисеплĕр пĕр-пĕрне!
Çынсем, каçарăр пĕр-пĕрне,
Çиллĕрсене ан кăтартсамăр.
Ӳкĕнмĕр вара малашне,
Сăпай çеç хăвăра тытсамăр.
Çынсем, каçарăр пĕр-пĕрне!
Çынсем, шансамăр пĕр-пĕрне,
Усал сунса ан çӳресемĕр.
Йывăр чуна ун пек чухне,
Асаплă иртĕ кунăр-çĕрĕр.
Çынсем, шансамăр пĕр-пĕрне!
Вулавçăсен шухăшĕ
Çĕнĕ комментари хуш
Алина Тайпи (2013-10-19 17:52:27):
http://www.playcast.ru/view/3559182/9b7302c61f5fd0c261c4e84111cea9cc8667ddb9pl
Алина Тайпи (2014-03-07 13:55:25):
Вероника Пинеслу – Çынсем, юратăр пĕр-пĕрне...(сл.Алина Тайпи, муз.Вероника Пинеслу)