Çурхи сад илемлĕ

Мария Селендеева | Сăвă | çуркунне | 359


Сарă уйах мал енче,

Шурă шупăр сад çинче.

Нӳрлĕ çĕр, хĕвел ăшши,

Таврара сим-пыл шăрши.

 

Улмуççи — хитре пике,

Çийĕнче — шап-шур кĕпе.

Çавăтса çĕн кĕрĕве

Ма кĕрес мар чиркĕве?

 

Çĕмĕрт куçĕ — хуп-хура,

Уртнă шурă шупăра.

Хатĕр венчете тăма,

Ылтăн çĕрĕ тăхăнма.

 

Чăн чĕрĕлнĕ тĕнчере

Çĕкленсе тапать чĕре.

Чунпа туйса илеме

Лартăм сăвă тĕрлеме.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: