Авланма хăратпăр

Эпĕр пурте çывхаратпăр

Акă ĕнтĕ вăтăра.

Авланма çапах хăратпăр

Çакă яшă вăхăтра.

Хусаха ялан çул аслă

Çӳремешкĕн урама.

Йывăр пулĕ авлансассăн,

Юрамашкăн арăма.

Вăл тем те пĕр туянмашкăн

Шав хăвалĕ лавккана.

Илме хушĕ тиркĕ-чашкă,

Пудра, тĕкĕр, такана.

Арăмпа лекме те пулĕ

Инкеке пĕр самантрах.

Михала тăкать куççулĕ:

— Ма юлман-ши, тет, хусах?

Ав, Иван ĕнер паллашнă,

Паян кайнă çырăнма.

Арăмĕ каçпа харкашнă:

— Вăхăт, тенĕ, уйрăлма.

Ав, тата Палля Якурĕ

Çитнĕ çичĕ арăма.

Авлансассăн тем те курăн.

Пит кирлех-ши авланма?

Çĕнĕ комментари хуш