Хӳхлев


(халăх юрри майлă)

Ăçта каян, чĕкеç, йĕпенсе,

мăшăр çунатту вĕçне шак хытарса?

Ăçта каян, аннем, пăрахса,

Ху ывăлна хăр-тăлăха хăварса?

Шурăм пуçĕ килчĕ шуралса,

эс çавăн пек çуталса килес çук.

Курас килнĕ чухне умра сăну çук.

Хĕрлĕ хĕвел тухать хĕрелсе,

эсĕ хĕвел пек ăшшăн пăхас çук.

Пуплес тенĕ чухне çумра сассу çук.

 

Шурăмпуçĕ килчĕ шуралса,

шур чатăр карса та чарăнмарĕ-çке,

хĕрлĕ хĕвел тухрĕ хĕрелсе,

хĕрлĕ чатăр карса та чарăнмарĕ-çке.

Ĕнтĕ анчĕ хĕвел, килчĕ шурăм пуç,

аннемĕн ĕмĕрĕ хыçа юлчĕ-çке.

 

1977, ака

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: