Туй такмакĕсем


Хĕр çумĕсем

Эпĕр илсе килтĕмĕр

Тул кĕлти пек пикене.

Тул арпи пек ан тăвăр.

Ай-яр-ай-яр ай-я-я.

 

Пирĕн йысна пит аван,

Асатте пек туйăнать.

Алне туя тытиччен

Авлантарас терĕр пуль?

 

Ай-хай йысна пит маттур,

Тайлăк хапха юпи пек,

Тайкаланса, ай, çӳрет.

Ай-яр-ай-яр ай-я-я.

 

Платник пырать урампа.

Пуртти катăк, курăр-ха.

Ай-хай йысна Ванюк пур,

Шăлĕ катăк, курăр-ха.

 

Туй ачисем

Сад улмине татман пулсан,

Хĕллечченех юлатчĕ.

Инке хамăр илмен пулсассăн,

Ай-хай, ват хĕр пулатчĕ.

 

Пирĕн инке пит сарă.

Хăй ялĕнче кам илет?

Çавăнпа яла каймарĕ,

Пирĕн яла хăй килчĕ.

 

Пирĕн инке ĕçчен, тет.

Ĕçе каймалла чухне

Мăйăр çиме ларать, тет.

Ай-яр-ай-яр ай-я-я.

 

Пирĕн инке ăста, тет,

Пĕçерме аш яшкине.

Вăл купăста вырăнне

Хупах янă кастрюльне.

 

Чашăк тулли аш яшки

Лартса парсан, кам çимест.

Ай, инке Анюк пур.

Сĕнсе парсан, кам илмест.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: