Электронлă вулавăш

Лашапа çӳреме

Эпĕ юрататăп.

Мĕн пĕчĕкрен вĕсене

Пăхса ӳстеретĕп.

 

Каласа парас сире

Пĕр халап лаша çинчен.

Хыпарлас килет сире

Пурнăçра пулни çинчен.

 

Хĕллехи пĕр каçхине

Çил-тăман алхаснă чух

Килнĕ вăл çак тĕнчене

Пурăнмашкăн пирĕнпе.

 

Хăйне пăхсан хуп-хура,

Куçĕ вут пек вĕлкĕшет.

Çамки çинчи çăлтăра

Асăрхаман çын иртмест.

 

Ӳснĕçемĕн урхамах

Тапăртатса çеç тăрать.

Кашни ача савăнсах

Йĕнерлеме тăрăшать.

 

Анчах пирĕн çак тиха

Ăна пĕртте чухламасть.

Выляс шухăш ун пуçра —

Ытти куçа курăнмасть.

 

Иртрĕç савăк вăхăтсем,

Çитрĕç йывăр самантсем.

Хушка лаша хуйхăрать,

Амăшĕнчен уйрăлать.

 

Илсе кайрĕç циркалла.

Унта унăн чупмалла,

Чĕрне вĕççĕн тăмалла,

Кĕçенсе кăтартмалла.

 

Ункă витĕр вĕçмелле,

Транкки-транкки сикмелле.

Ача-пăча пуçтарса

Катаччи те ямалла.

 

Хура ут пит тулхăрать,

Кунĕн-çĕрĕн тăрăшать.

Чупа-чупа ывăнать,

Тĕшĕрĕлсе те анать.

 

Ырă тури тупăнать,

Йăпатмашкăн тăрăшать.

Икĕ çунат парнелет,

Хăйĕн патне вăл илет…

 

Çĕр çинчи пур лашана

Çăмăллăх та парнелер.

Йывăр ĕçрен хăтарса

Çын çумĕнче çӳретер.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн