Эп качча кайма шутларăм

Пăшал çакнă сунарçа.

«Пул эс, терĕ, савнă арăм», —

Илчĕ ăшшăн лăпкаса.

Ыр çынсем мана хушмарĕç

Çыхланмашкăн сунарçпа.

Темиçен ăна хурларĕç:

«Вăл суйма кăна ăста».

Эп качча кайма шутларăм

Туфли йăтнă атăçа.

«Пул эс, терĕ, савнă арăм», —

Илчĕ ăшшăн лăпкаса.

Ыр çынсем мана хушмарĕç

Çыхланмашкăн атăçпа.

Темиçен ăна хурларĕç:

«Ятлаçма çеç вăл ăста».

Эп качча кайма шутларăм

Трактор çинчи сухаçа:

«Пул эс, терĕ, савнă арăм», —

Илчĕ ăшшăн лăпкаса.

Ыр çынсем мана каларĕç:

«Пĕрлешех трактористпа», —

Ушкăнпах ăна ырларĕç:

«Вăл тыр-пул тума ăста».

Çĕнĕ комментари хуш