«Халь тин сана савмашкăн тивĕç тивмĕ...»

Çук, сана мар çавтер эп юрататăп,

Санра саватăп иртнĕ асапа...

Михаил Лермонтов

Халь тин сана савмашкăн тивĕç тивмĕ,

Тахçан кăмăллани те паянччен асап.

Тахçанхилле тасалăх урăх килмĕ —

Асилӳре çеç маншăн эс таса.

Куçпа-куç хирĕç тинкерсе пăхмалăх,

Сăмах ватмалăх вак-тĕвек çинчен

Вăй пухаймарăм та — тытмарăм алă:

Шикленнĕ шанчăк туйăнчĕ çинçен.

Сивлек пек пултăмăр пĕр-пĕринпе çич ютлăн,

Кашни теприншĕн айăплă пекех.

Сӳнтернĕ кĕл çулăмланаймĕ вутлăн —

Иртни йăл илмĕ çĕнĕрен текех.

Тасалăхпа санра тупайнă пурлăх

Ман асăмра куç пек тулли кучух.

Ăна тем тĕрлĕ ванчăк, хĕнлĕ-хурлă

Туйăмсемпе пăтраштарассăм çук.

1963, çурла, 30.

Салтаккасси.~~

Çĕнĕ комментари хуш