Пасна урлă каçаймарăм

Пăчăрлă Пашьел.

Пăчăрлă Пашьел...

Пăчăр тытаймарăм,

Тĕкне татаймарăм,

Çав кăна пит шел!

П.Хусанкай

Пасна урлă каçаймарăм,

Пăчăр тытаймарăм,

Мĕн чуль шухăш пуçра пурччĕ —

Ним те тăваймарăм.

Пасна урлă каяс теттĕм,

Каçса каяймарăм,

Сартунккара кайăк тĕкĕ

Сутса пуяймарăм.

Пасна тăрăх тухаймарăм,

Сар хĕр кураймарăм.

Çамрăк ĕмĕр типсе хăрчĕ,

Телей тупаймарăм.

Çĕнĕ комментари хуш