Капăр Урине

Петĕр Ялгир | Юрă | 577


Каçсерен тухатăп

Аслă урама,

Чун савни шыратап

Ăшшăн курнăçма.

 

Сахал мар ыр каччă

Пирĕн салара,

Темшĕн-çке хăраççĕ

Эпĕ савасран.

 

Ак, учитель Павăл —

Чапсăр йĕкĕт мар.

Пĕр каç çеç манпа вăл

Ларчĕ юнашар.

 

Агроном Никантăр

Кăмăла каять.

Хăй тухмасть нихçан та

Манпала вăййа.

 

Зоотехник Петьăн

Ĕç укçи пуян.

«Кăлăхах кĕтетĕн», —

Терĕ вăл паян.

 

Мĕншĕн-ши хăраççĕ

Ман юратуран?

Тумăм капăрах-çке.

Япăх-им сăнран?

 

Кунĕпех паян та

Тĕкĕр умĕнче

Тăтăм, япшарлантăм

Кăмăл туличчен.

 

Кашниех чĕнеççĕ:

«Капăр Урине».

Юратма пĕлмеççĕ

Темшĕн пикене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем