«Киреметре выртса хуралнă...»

Киреметре выртса хуралнă

Хакне çухатнă пăхăр пек,

Йĕрĕнтерсе, чун юнăхтарнăн,

Кашни йĕрке сăнарĕпе

Сĕтелӳнте ман çырусем

Ан выртчăр тек кĕвеленсе.

Ан куртăр вĕсене ют каччă.

Ӳпкелесе выç куçсемпе

Çиллес çынсем те ан вулаччăр —

Ĕне хупах чăмланă пек

Кавле-кавле ăнланаймасăр

Вулакан çын вăл пархатарсăр.

Сан умăнта пулас килмест

Анкартинчи тăм катемпе.

Çилпе сий-сийĕн сирĕлсе

Эп пулăп саншăн тĕтĕм пек.

Ман сăвăсем, ман çырусем

Куçран тасалччăр кĕлленсе.

1962, утă, 19.

Атăл, сывлăх лагерĕ.

Çĕнĕ комментари хуш