Арăм çавăрса лартать1

Арăм çавăрса лартать

— Авланас пулать сан, ывлăм,

Эсĕ ĕнтĕ çирĕмре, —

Йăл кулса атте каларĕ

Вутă татнă чух пĕрре.

— Авланма юрать вăл, — терĕм. —

Çĕнĕ пӳрт эс хатĕрле.

Кантăкне çеç кăнтăра мар,

Кастарар çурçĕрелле.

Аллине атте шарт çапрĕ,

Тĕлĕнсе ыйтать манран:

— Мĕншĕн çурçĕре пăхасшăн,

Пăрăнасшăн çутăран?

— Арăм пултăр, йăлт майланĕ, —

Эп пăчка хуллен туртап. —

Арăм çавăрса лартать вăл

Тепĕр майлă пӳрт-çурта.