Çуралнă тăрăхăм, Пӳлер, Пӳлерĕм...
Пӳлер, Пӳлерĕм, вăйăм та хăватăм,
Хĕрӳлĕхе çулупала чĕртсе,
Пуçа тайса сан умăнта тăратăп
«Сывах-и, хĕрĕм?» – теессе кĕтсе.
Пĕлетĕп-ха, никам та сывлăх сунмĕ,
Никам та ăшшăн сасă парас çук.
Кĕрен чечеклĕ, курăклă вал умĕ
Хускалнăнах туятăп тепĕр чух.
Кунта ман йăх юн тăкнине-и манăп.
Тăшман сăнни кашнин ӳтне кĕрсе,
Çич ĕмĕр витĕр тăрăннă мана та,
Ик енлĕ кĕрешӳ çитсен хĕрсе!
Асаттесем ахлатнине туятăп,
Тин пултараймăп пулăшу пама.
Пĕртен-пĕр тивĕçĕм – тупа тăватăп
Чыспа, чунпа, ĕçпе таса пулма.
Ман йăх нумай тутаннă йӳçĕ эрĕм,
Мĕскĕнлĕхе те нишлĕхе тӳссе.
Çуралнă тăрăхăм, Пӳлер, Пӳлерĕм,
Ыйтатăп каçару пуçа пĕксе.
* * *
Кама-тăр вăрттăн килĕштернĕ,
Кама-тăр уççăн юратман.
Усал шутлисене хӳтернĕ,
Ыр тунине часах манман,
Именчĕклĕ, ытла сăпайлă,
Çын куласран хăра-хăра,
Çапла эп çитĕннĕ хам майлă,
Вăрманлă, лăпкă тăрăхра.
Ачалăхăм – çырла утравĕ,
Шап-шурă Çĕмĕртлĕ тĕнчи.
Ыйтсассăн вырăс-и, тутар-и,
Калаттăм эп: «Пӳлер енчи».
Мăнаçчĕ çав самант ман сăнăм,
Кĕрен витсен те питĕме,
Умра уксах Тимур хăй тăнăн,
Сапатчĕ куçăм хĕлхеме.
Пĕртен-пĕр хурçă сăнă евĕр,
Шăтарасла пăхса илсе,
Эп хатĕрччĕ çич ĕмĕр витĕр,
Ямашкăн çулăмсăр ĕнтсе.
Çапла ман кăмăл тĕрекленнĕ,
Аваллăхăн ятне яман.
...Кама-тăр вăрттăн килĕштернĕ,
Кама-тăр уççăн юратман.
Шухăшсем
Борлен «Сувар» редакторĕ пулнă Сорокинпа...
Виççĕри ачана «хĕр пĕрчи» темеççĕ пуль
пӳрт сутнă кун тени пурччĕ таçта
►►► ✅ Where can I get my gift? Here? htt...
►►► ✅ Where can I pick up my prize? Here...
Питĕ лайăх çырнă,чуна пырса ответь...
Хочу поделиться замечательными курсами з...
Вĕçлемĕш ик йĕрки асăма килсех тăратччĕ ...
Вячеслав! "Шурё юрлё" (Белым снегом) юрр...
Тавах паттёр Борлена мухтанёшён...