«Тĕлĕкре курсассăн, хĕрĕм...»
Тĕлĕкре курсассăн, хĕрĕм,
Щурă урхамах, —
Ан васка, тытма, ан хĕрĕн, —
Вăл тупать хăвнах?
Пирĕн çурт тавра вăл çӳрĕ
Кăнтăрла, çĕрле,
Пахчана сухалĕ-сӳрĕ
Пирĕнпе пĕрле?
Çилкĕçне вĕçтерĕ меллĕн
Кукленсе ларса?
Пулĕ ăмăрĕ илемлĕ,
Тăмĕ шăмарса?
Ан тытсамччĕ, ан кассамччĕ
Хӳхĕм хӳрене?
Эс, пĕлсемччĕ: çавă каччă
Саншăн çуннине?
Çилкĕç пĕрчине те имĕш
Юрамасть çăлма?
Шурă урхамах тек килмĕ?
Çĕрĕм, пĕл, савма!
Вулавçăсен шухăшĕ
Çĕнĕ комментари хуш
Нина Леонтева (2010-11-15 04:35:23):
Илемлĕ хайлав. Чуна пырса тивет
Никита (2010-11-17 22:28:23):
Маттур, Люба аппа. Тавтапуç илемлĕ сăвăшăн
Настя Иванова (2011-06-07 00:21:07):
Тарăн шухăшлă сăвă, чĕлхи яка, сăнарлă, витĕмлĕ.