Хусах

Петĕр Ялгир | Юптару | 571


Пĕринче Кăсăя

Чĕннĕ-мĕн хăнана

Уйăпа, Чакака,

Çерçие, Чанана.

 

Хăнăсем валли кăшт

Тунă-мĕн вăл сăра.

Сыпнă май чĕлхесем

Вылянĕç уçăрах.

 

«Санăн, кум, — тет Чана, —

Авланма тивет пуль?

Хăш-пĕр чух, тен, пĕччен

Эс тăкатăн куççуль?»

 

«Авланмашкăн пулать —

Илме çук никама», —

Ӳкĕнет Кăсăя,

Кĕç пуçлать макăрма.

 

«Илĕттĕм, Шăнкăрча, —

Тет хуçа, — вăл инке.

Шăпчăка илме çук —

Ытла чаплă пике.

 

Чĕкеçпе калаçма

Кирлĕ çепĕç чĕлхе.

Вĕршĕн е Шăкăлчи —

Ытлашши вĕчĕлхе»...

 

Сăлтавсем кăсăя

Тек шырать те шырать.

Тиркешсе пурăнсах

Хусаха вăл юлать.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем