Аçтаха
Çĕр кисретсе-çке кĕрлеççĕ
Утраври аçтахасем.
Вутне-хĕмне сирпĕтеççĕ
Тăтăш ăçта-ха вĕсем?
Хайхи пирĕн Тăхăрккамăр
Тытнă шухăш «вĕçтерме»:
«Пурпĕрех вĕçесчĕ хамăр,
Атту – йытта кӳптерме».
Пĕр сӳренкĕ тĕксĕм кунĕ
Хыпарларĕç пĕр-пĕрне
(Пирĕшти-мĕн хыпар кӳнĕ):
«Вăхăт часрах вĕçтерме».
Сыхлавçисем сас памарĕç
Кайсан лешĕ тĕнчене.
Тăхăркки пăхса тăмарĕ –
Хăвăрт чупрĕ тĕпчеке.
Аçтаханăн пуш варне
Кĕчĕç йăпăрт хăпарса –
Тăххăрăшне вĕсене
Тăчĕ Ангел вăй парса.
Пĕр саманчĕ çав хутра
Пĕр ĕмĕр пек тăсăлать –
Пĕтĕм ӳт-тир шыв вутра
Хыпса шӳнĕн туйăнать.
Çак хутрах çĕр кисренет –
Аçтахи чĕрре кĕрет:
Малалла вăл сирпĕнет,
Анчах мĕнле-ха кĕсмен?
Калле вăрса чăхăмлать –
Ют йĕвене пăхăнмасть!
Самант – Тăхăркка чухлать
(Тарăхмашкăн пухăнмасть).
Аçтаханăн май-шывне:
Хăвăрт калле çавăрать,
Итлемесĕр ун шавне –
Çӳлелле тытса вăрать.
Вут-çунатăн сăмсине
Аçтахи шалт пăхăнать.
Этем пухнă вăйсене –
Пĕлĕтелле чыхăнать.
«Çыхланмасть тек ал-ура –
Аçтахаçăм, ан хăра,
Хывнă çулупа пырах –
Йĕвен – çирĕп алăра».
Тăхăркка та – тăххăрăн
Вĕçсе тухнă паттăрсем –
Вĕсем халь те хамăрăн
Тĕнчери пĕр маттурсем.
Пенемюде утравне –
Аçтахасен йăвине –
Пăр салатрĕç бомбăпа,
Тусса кайрĕ çăвине.
Аçтахи çав хупнă пулнă
Чĕрлĕх шывĕн пуссине –
Чĕрĕ шывĕ тапса тухнă –
Курччăр пурте уссине.
Шухăшсем
Лазерный уровень легко помещается в су...
Повысьте эффективность своего производс...
Круглозвенные цепи — это не просто элем...
Повысьте эффективность своего производс...
Качественный асфальт выдерживает любые п...
Wanting to amplify your website r...
Unlock more targeted leads with our AI! ...
Здесь вы сможете найти поставщиков удоб...
Attract additional leads for your chuvas...
Boost your Chuvash website’s traffic wit...