«Лашине тĕрĕс тытрăм тесе...»
Лашине тĕрĕс тытрăм тесе,
Çунине кӳлме пĕлтĕм тесе,
Çулĕ çывăх та тикĕс тесе,
Сулнăка сулăнмастпăр тесе,
Юр çутиллĕ каç сĕмĕ тесе,
Юр çутиллĕ каç сĕмĕ тесе,
Кил тĕлне уйăх çакнă тесе
Эп шутланă.
Лашине тĕрĕс мар тытнă эп,
Çунине урăхла кӳлнĕ эп.
Çулĕ пулнă ытла аякра,
Шуç тупань пулнă-мĕн — сулнăкра.
Эп пĕлмен тĕттĕм каç ултавне,
Шаннă çеç кĕмĕл вут тăхрине.
Уйăхпа хĕвеле уяман.
Шутласан сахал мар йăнăш ман...
Вулавçăсен шухăшĕ
Çĕнĕ комментари хуш
Нина Леонтьева (2010-11-15 04:37:34):
Ку сăвва вуласан хамăн та йăнăшсенчен сыхланас килет