Ĕмĕтри туйăмсем
Пĕр илемлĕ хирте
Куртăм эпĕ кĕсре
Тыткăнларĕ мана
Чăннипех çак лаша.
Сăнĕ унăн чипер
Уйăхпи теме пур.
Çилхи вĕçĕ кăтри
Чăнахах та Нарспин.
Уттине пăхнăçем
Чуппине курнăçем
Ах, килет асăма
Юмахри пек хăна.
Кайăк пек ыткăнать,
Çунатла туйăнать
Куçăма вĕçнĕ пек курăнать
Кам-ши хăлĕ ăна хăвалать?
Кам-ха пĕлĕ ăна?
Кам-ха туйĕ çакна?
Çунакан ман ăшри туйăма
Тен, ман ĕмĕт вĕçет малалла?
Халь çапла кашни каç,
Халь çапла кашни çĕр
Ман пата чиперккеçĕм килет
Ĕмĕтпи ят парассăм килет.
Ĕмĕтпиçем, юлташăм
Санпа эпĕ туслашрăм
Ĕмĕтпиçем, тăванăм
Сана çеç эп шанатăп.
Каçсерен унпала
Халь пулатпăр пĕрле
Пĕр пекех шухăшлатпăр
Çын пекех калаçатпăр.
Хăт чухне туспала
Тĕл пулса тĕлĕкре
Вĕçтеретпĕр тӳпе еннелле
Çунакан çăлтăрсем патнелле.
Çак лаша шав мала
Вĕçтеринччĕ ялан ыткăнса
Ăшра вуттăн çунан çулăмсем
Ан сӳнинччĕр нихçан туйăмсем.
Вулавçăсен шухăшĕ
Çĕнĕ комментари хуш
Аля (2010-11-08 10:26:33):
Настя хăйĕн ĕмĕтне лашапа çыхăнтарнă, унăн чĕлхи питĕ илемлĕ, содержанийĕ тарăн. Мана питĕ килĕшрĕ.
Сашук (2010-11-08 12:03:20):
Ку хĕр ача хула шкулĕнче вĕренет пулин те питĕ аван сăвă çырнă вара.Маттур!
Вера (2010-11-08 12:09:23):
Сăвăра çĕнĕ сăмахсем те пур,туйăмсене питĕ илемлĕ çырса кăтартать хĕр ача.