Пенемюде
Пенемюде – пĕр утрав
Балти тинĕс варринче,
Çĕлен пекех вăл – удав:
Летчик-тăшман хурринче.
Ак тухать те пĕр капрал
Хулне тăсса халланать:
«Час куратпăр пĕр камит –
Пĕр тăсланкă «авланать!»
Пысăк пралук картана
Кĕртсе ячĕç пĕр çынна:
«Çакна кӳртĕр-ха тăна!», –
Хушрĕ тавăрса çанна.
Ик салтакĕ ертсе тухрĕç
Пăру пек овчаркăсем.
«Мĕн тума-ши пире пухрĕç,
Мĕн тăваççĕ-ши мурсем?»
Йытсем харăс пырса тытрĕç
Çак мăнтарăн сыв чуна –
Талпăнса, пĕр харăс, тăкрĕç
Алли-урине çурса.
Пĕри, ав, çыртса тулать
Хăрлатса чĕрĕ çынна.
Тепĕрри татса ярать
Хырăмне, пырне çурса.
Туллашса-урса лӳкеççĕ
Ирсĕрсем этем юнне,
Хăрлатса туртса çиеççĕ
Ырлăх шăмă-какайне.
«Куртăр-и? – тет, мур капралĕ, –
Ку кăсăклă камите?
Тасатса пуçтарăр халĕ
Юлнă юнлă тир-ӳтне!»
Шухăшсем
Манăн чи юратнă сăвăсенчен пĕри...
Никифор Мранькка çырнă произведенин чĕлх...
Мĕншĕн хускатнă-ха вăл çак шухăша вун ç...
Ват çынсен уйрăлăвĕ, пурнăçа хакласа кал...
Ун куçĕ хупăнсан — пĕр çăлтăр сӳнетех...
Сăмах та çук , пит вăйлă , тахçан вуланă...
Эпĕ те шанса пурăнатăп-ха...
Калав питĕ килĕшрĕ...
Илемлĕ...
Килĕшет)Питĕ "техĕмлĕ" сăвă!Кĕрхи ĕççи в...